Мемлекет Басшысы Қасым-Жомарт Кемелұлы Тоқаевтың ағымдағы жылғы 10-11 мамырда Түркия Республикасына мемлекеттік сапары аясында Қазақстан мен Түркия арасындағы өзара қарым-қатынастарды кеңейтілген стратегиялық әріптестік деңгейіне шығару жөнінде уағдаластықтар орнатылды.

Түрік Республикасымен өзара қарым-қатынасты одан әрі нығайту үшін ағымдағы жылдың 12 мамырында Батыс Қазақстан облысының әкімі Ғ.Н. Есқалиевтің "Artcan"түрік компаниясымен кездесуі ұйымдастырылды.

Кездесу барысында голландтық және түрік технологияларын пайдалана отырып, Бәйтерек ауданында 13 га жылыжай салу бойынша жоба талқыланды. Жылыжайда қызанақ, көк, бұрыш және құлпынай өсіру жоспарлануда. Қол жеткізілген уағдаластықтар бойынша жобаны іске асыруды жақын арада бастау жоспарлануда.