"Бизнестің жол картасы-2025" бизнесті қолдау мен дамытудың мемлекеттік бағдарламасына жаңа өзгерістер енгізілді, оларға сәйкес кредиттеу бойынша салалық шектеулер алып тасталды. Бағдарламаның бірінші бағытының қатысушылары шағын және микрокәсіпкерлік субъектілері бола алады. Кредит беру инвестициялық мақсаттарға – 20 млн.теңгеге дейін, сондай-ақ айналым қаражатын толықтыруға - 5 млн. теңгеге дейін, салалық шектеусіз, тиісінше 3 және 2 жылға субсидиялау мерзімімен жүзеге асырылады.

Номиналды сыйақы мөлшерлемесі Қазақстан Республикасының Ұлттық Банкі белгілеген және 8,5%-ға ұлғайтылған базалық сыйақы мөлшерлемесінен аспауы тиіс, кәсіпкер үшін кредит бойынша сыйақы мөлшерлемесі жылдық 6%-ды құрайды. Айырмашылықты мемлекет субсидиялайды.

Бағдарламаның артықшылығы-қаржыландыру туралы шешім тек банк немесе микроқаржы ұйымы деңгейінде қабылданады. Бұл тәсіл несие алуға өтінімді қарау мерзімдерін едәуір қысқартуға әкеледі.

Қор бағдарламалары шеңберінде кепілсіз кредит беру көзделмеген, бірақ кредиттер/микрокредиттер бойынша берілетін кепілдік мөлшері кредит/микрокредит сомасының 85%-ын құрайтын шағын және микрокәсіпкерлік субъектілері үшін "БЖК-2025" мемлекеттік бағдарламасының бірінші бағыты шеңберінде портфельдік ішінара кепілдік беру көзделген, кредит сомасының 15%-ын кәсіпкер "ЕДБ қалауы бойынша" жабады.

2020 жылдың қыркүйек айында Батыс Қазақстан облысында "Альфа Банк" АҚ ЕБ "шағын, оның ішінде микрокәсіпкерлікті қолдау "бағыты аясында алғашқы қарыз берілді. Жалғыз кепіл ретінде "Даму" Қорына қарыз сомасының 85% мөлшерінде кепілдік берілді. Қазіргі уақытта "Альфа-Банк" ЕБ АҚ осы бағдарлама бойынша 14 мәмілені мақұлдады және қаржыландырды.

Бағдарламаның сұрақтары мен шарттары бойынша "Даму" Қорының аймақтық филиалына хабарласуға болады (Орал қаласы, Т. Масин көшесі 67/2, тел. 8(7112)55-48-10).