2021 жылғы 18 ақпанда онлайн режимінде Батыс Қазақстан облысы әкімінің төрағалығымен бизнес топтар өкілдерінің және мемлекеттік органдар басшыларының қатысуымен инвестициялар тарту, инвестициялық ахуалды жақсарту және экспортты ілгерілету жөніндегі өңірлік кеңес отырысы өтті.

Кеңес шеңберінде Бәйтерек ауданында газ поршеньді электр станциясымен құю өндірісінің құрылысы ("КазАрмапром" ЖШС), Теректі ауданында ауыл шаруашылығы өндірістік-өткізу тізбегін ұйымдастыру бойынша: ауыл шаруашылығы дақылдарын өсіруден және ҰМ/ІҚМ үшін құрама жем өндірісінен бастап сүт және ет өнімдерін өндіруге дейін ("ULP" АҚ), Теректі ауданы Жайық станциясында орналасқан керамзит қиыршықтасын өндіру зауытын салу ("ТұмарОрал" ЖШС), Орал қаласында спорт залын салу ("FOOTBALL KIDS URALSK " ЖК), Казталов ауданында балық (ірі қара мал, құс) өсіру бойынша агроөнеркәсіптік кешенді ұйымдастыру бойынша ("Сартаев" ЖК) бойынша жобалар қаралды.

Отырыс қорытындысы бойынша 700-ден астам жұмыс орнын құрумен жалпы құны 70 млрд.теңгеге жуық 5 жоба қолдау тапты.