2025 жылдың 11-12 қарашасында Орал қаласында Қазақстан мен Ресейдің өңіраралық ынтымақтастығының XXI форумы өтті.
Форумның негізгі тақырыбы – "Жұмысшы мамандықтары – экономика өсімінің драйвері".
Форум аясында ҚР Білім министрлігі мен "Talap" КЕАҚ жұмысшы мамандықтар жылына орайластырылған технологиялық көрме ұйымдастырды. Көрме төрт тақырыптық павильонды қамтыды:
-
Сандық технологиялар және ЖИ
-
Көлік және логистика
-
Энергетика және жасыл технологиялар
-
Агроөнеркәсіп
Көрмеге Қазақстанның әртүрлі өңірлерінен ТжКБ ұйымдары, университеттер, "Самұрық-Қазына" АҚ компаниялар тобы, Батыс Қазақстан облысының кәсіпорындары, сондай-ақ Қазақстанның жетекші IT-компаниялары қатысты.
Көрме озық технологияларды енгізуде және кадрларды даярлаудың заманауи тәсілдерін қалыптастыруда бизнес пен білімнің синергиясын көрсетті, сондай-ақ кәсіптік бағдарлау үшін тиімді алаң болды. Екі күн ішінде оған 4000-нан астам оқушы келіп, жұмысшы мамандықтарымен және заманауи технологиялармен жақынырақ танысуға мүмкіндік алды.