Ағымдағы жылдың 20 қаңтарында Батыс Қазақстан облысының әкімі Нариман Төреғалиев Нидерланды Корольдігінің Қазақстан Республикасындағы Төтенше және Өкілетті Елшісі Андре Карстенспен және Нидерланды Корольдігінің Атырау қаласындағы Құрметті консулы Талғат Иманғалиевпен кездесті.
Бас қосуда тараптар екі ел арасындағы экономикалық байланысты нығайту, бірлескен инвестициялық жобаларды іске асыру мәселесін талқылады.
Нидерланды Корольдігінің Қазақстан Республикасындағы Төтенше және Өкілетті Елшісі ресми сапарының аясында Жәңгір хан атындағы Батыс Қазақстан аграрлық-технологиялық университетінің басқарма төрағасы-ректоры Асқар Наметовпен кездесті және «Атамекен» өнер ордасында Суретшілердің халықаралық көрмесінің ашылуына қатысты.
Сонымен қатар, асыл тұқымды сиыр өсірумен айналысатын Бәйтерек ауданындағы «Ayala Enviro» ЖШС жұмысымен танысты.
