Қазақстан Республикасы Президентінің инвестициялар тарту жөніндегі тапсырмасы шеңберінде осы бағытта жұмыстар белсенді жүргізілуде. 2022 жылдың 11 айының қорытындысы бойынша негізгі капиталға салынған инвестициялар көлемі 4,5% - ға өсіп, 405,7 млрд теңгені құрады.

2022 жылдың қорытындысы бойынша жалпы құны 224 млрд.теңгеге 700 тұрақты жаңа жұмыс орнын құрумен 18 жоба іске қосылды.

Сонымен қатар, Ресей Федерациясының кәсіпорындарын орналастыру барысында "TerezeStyle" ЖШС, "QazFanCom"ЖШС терезе рамалары мен фанера өндірісі бойынша жобалар іске қосылды.

2023 жылы жалпы құны 18,8 млрд.теңгеге 620 жаңа жұмыс орнын құрумен 17 жобаны іске қосу жоспарлануда.

Атқарылып жатқан жұмыс шеңберінде шетелдіктердің қатысуымен жүзеге асырылып жатқан бірқатар ірі жобаларды атап өтеміз: Қарашығанақты кеңейту (КПО б.в.), көмірсутек шикізатын өндіру Рожковское ОПЭ ("Орал Ойл энд Газ" ЖШС), мұнайды терең өңдеу зауытын салу ("ABS-Мунай" ЖШС), Батыс Қазақстан облысында тігінен интеграцияланған құс фабрикасын ұйымдастыру жобасы (Agrotop Ltd), сұйық метанол өндірісі ("ZhaikPetroleumLtd" ЖШС) және т.б.

Соның ішінде, газ-химия саласын дамыту мақсатында 2019 жылдан бастап "ZhaikPetroleumLtd" ЖШС газ-химия кешенін салу жобасын іске асыру мәселесі пысықталуда. Жоба А класындағы метанол, аммиак және карбамид өндірісін ұйымдастыруды қарастырады. Жобаның жалпы құны 140 млн АҚШ доллар құрайды.

Жобаны іске асыру мақсатында 2015 жылы 18,7 га жер учаскесі бөлінді, "Бизнестің жол картасы-2025"бағдарламасы шеңберінде жетіспейтін инфрақұрылым тартылуда.

2022 жылғы 25 қаңтарда "ZhaikPetroleumLtd" ЖШС мен "ҚазТрансГаз "ҰК" АҚ арасында тауарлық газ жеткізу бойынша уағдаластыққа қол жеткізілді.

2022 жылғы 6 желтоқсанда ҚР Индустрия және инфрақұрылымдық даму министрі Қ.А.Өскенбаевпен кездесу аясында "ZhaikPetroleumLTD" ЖШС мен CITIC Construction және China huanqiu Contracting&Engineering қытай компаниясымен $140 млн сомасына EPC-келісімшартқа қол қойылды.

Сонымен қатар, жоба келесі бағдарламалар аясында жүзеге асырылуда:

- «Аманат» партиясының сайлауалды бағдарламасының жол картасы,

- Қазақстан Республикасы Үкіметінің 2021 жылғы 12 қазандағы №730 қаулысымен бекітілген Қазақстан Республикасының мұнай-газ химиясы саласын дамыту жөніндегі ұлттық жоба,

- Индустрияландырудың бірыңғай картасы.

Жоғарыда аталған жобаларды іске асыру экономиканың басым секторларын жақсартуға, соның ішінде өңірдің газ-химия саласын дамытуды, өңірдің салық базасын ұлғайтуға және жаңа жұмыс орындарын құруға мүмкіндік береді.

«БҚО кәсіпкерлік және индустриалдық-

инновациялық даму басқармасы» ММ

және  «Aqjaiyq» ӘКК» АҚ