2022 жылы 7 желтоқсанда облыс әкімінің бірінші орынбасары А.К. Утегуловтің, халықаралық машина жасау орталығының (IBMC) бас директоры М.Ш. Кәрімовтің, КПО б.в. компаниясының және оның мердігер ұйымдарының қатысуымен жергілікті өндірушілерді қолдау форумы өтті.
Форум барысында А.К. Утегулов жергілікті қамту үлесін кеңейту, әсіресе жергілікті өндірушілерден тауар сатып алу бойынша жұмысты жандандыру қажеттігін атап өтті. Сондай-ақ, жергілікті компаниялардың мүмкіндіктері туралы бейнеролик көрсетілді.
Іс-шара шеңберінде халықаралық машина жасау орталығының (IBMC) бас директоры М.Ш. Кәрімов орталықтың қызметімен, отандық компаниялардың мұнай жобаларының ірі операторларымен, атап айтқанда КПОб.в., ТШО және НСОС компанияларымен қарым қатынасты нығайту бойынша жүргізіліп жатқан жұмыстармен таныстырды. Сондай-ақ, ол алдағы 10 жылға жоғары сұранысқа ие тауарлармен таныстырды. Атап айтқанда, бұл құбыр өнімдері, сорғылар мен тығыздағыштар, технологиялық сүзгілер және басқа да өнім түрлері.
КПО б.в. ірі жобалардың жүзеге асырылу барысымен және компанияның ірі мердігерлік ұйымдары, атап айтқанда "ККС-СИЧИМ" ЖШС, "Қазбургаз" АҚ, "Киос" ЖШС, "Ақсай Оперейтинг" ЖШС, "Лигабуе Орталық Азия" ЖШС, "Сырласу" ЖШС, "Консорциум Искер" ЖШС өздерінің қажеттіліктерімен таныстырды.
Мысалы, Қарашығанақты кеңейту жобасы (1А ҚКЖ) бойынша мердігер компания ККС-СИЧИМ сатып алынатын тауарлардың негізгі түрлерімен, атап айтқанда, болттар, оқшаулағыш материалдармен, бақылау, өлшеу құрылғылары мен аппараттары үшін тарату қораптарымен, тығыздағыш (оқшаулағыш) материалдармен, электр монтаждау материалдарымен (кірістер, тығыздауға арналған жиынтықтар, кабельдік плиткалар, биркалар) және басқа да өнім түрлерімен таныстырды.
Кейін, КПО мердігерлік компаниялары мен тауар өндірушілер арасында В2В кездесулері ұйымдастырылды, оның барысында өндірушілер өздерінің проблемалық мәселелері, мүмкіндіктері мен мердігерлік компаниялардың тауарларды сатып алу жоспарлары талқыланды.
Сонымен қатар, форумды қорытындылау барысында жергілікті компанияларды КПО б.в. мердігер компанияларының сатып алуына әрі қарай тарту бойынша міндет қойылды.
