2021 жылғы 6 тамызда онлайн режимде Батыс Қазақстан облысы әкімінің төралығымен инвестицияларды тарту, инвестициялық ахуалды жақсарту және экспортты ілгерілету жөніндегі өңірлік кеңес отырысы өткізілді. Аталған отырыста бизнес өкілдері және мемлекеттік органдар басшылары қатысты.

Кеңес аясында Орал қаласында «Құрама жем өндіру жөніндегі шағын зауыт салу» (ЖК«Диана») және «Ботаникалық бақ» (ЖК «С.И.Исаевты еске алуға арналған Халықаралық эксперименттік коллекциялық балабақша-питомнигі») жобалары, Теректі ауданында «Жоңышқа өсіру » жобасы («Alar Trade Agro Jaiq» ЖШС) қарастырылды.

Отырыс қорытындысы бойынша жалпы құны 2,9 млрд теңгеге 180 жаңа жұмыс орнын құра отырып, жаңа жоба қолдау тапты.

Аталған жобаларды іске асыру негізгі капиталға инвестициялар көлемін ұлғайтуға мүмкіндік береді және агроөнеркәсіп, туризм салаларын дамытуға үлес қосады.