Бір апта ішінде инвесторлар бірлескен дөңгелек үстелге қатысуды, жаңа инвестициялық жобаларды іске асыру бойынша бірқатар коммерциялық құжаттарға қол қоюды, сондай-ақ өңірлердің инвестициялық мүмкіндіктерімен танысуды жоспарлап отыр.
Делегация құрамына "Food Ventures", "KUBO", "Van der Hoeven", "Certhon", "Gakon", "Dalsem" және т.б. бесінші және алтыншы буындағы жылыжайлар өндірісі саласындағы Нидерландтық ірі компаниялардың басшылары кірді. Сондай-ақ "Hoogendoorn", "Svensson", "Gakon", "Priva" компанияларының заманауи ауыл шаруашылығы жабдықтарын және "Koppert Biological Systems" өсімдіктерді биологиялық қорғау құралдарын өндірушілер, "Solynta", "Rijk Zwaan" тұқым өндіру көшбасшылары мен "Dutch Greenhouse Delta" және "HVA International"қауымдастықтарының басшылары қатысты.
Мәселен, Нұр-сұлтан қаласына жұмыс сапары аясында екі елдің бизнес өкілдерінің қатысуымен Қазақстан-Нидерланды дөңгелек үстелі өтті. Іс-шара барысында голландиялық компаниялар заманауи агроөнеркәсіптік кешенді дамыту, тұрақты ауыл шаруашылығына көшу және озық цифрлық технологияларды, соның ішінде жасанды интеллект пен Big Data технологиясын пайдалана отырып, жаңа селекциялық шешімдерді енгізу туралы өз ойларымен бөлісті. Өз кезегінде, Қазақстан Республикасының Нидерланд Корольдігіндегі Елшісі Асқар Жұмағалиев саясат саласында да, экономикалық кооперацияда да сенімді байланыстардың негізіне айналған елдер арасындағы достық өзара қарым-қатынастардың маңызды рөлін атап өтті.
Дөңгелек үстелде Батыс Қазақстан облысы әкімінің бірінші орынбасары Мұхтар Манкеев облыстың инвестициялық әлеуеті және АӨК саласында Нидерландтық қатысумен жүзеге асырылған және іске асырылып жатқан жобалар туралы баяндама жасады.
Нидерландтық агроөнеркәсіптік делегация сапарының бір апталық бағдарламасына Алматы, Ақтөбе және Батыс Қазақстан облыстарына бару кіреді, онда жобаларды іске асырудың егжей-тегжейін талқылау мақсатында өңірлер басшыларымен және өңірлік бизнес қоғамдастық өкілдерімен кездесулер ұйымдастыру жоспарлануда.
Батыс Қазақстан облысына жұмыс сапары аясында Нидерландтық "Van der Hoeven"компаниясының қатысуымен жылыжай кешенінің құрылысы бойынша жаңа жобаның капсуласы қаланады.