Бекітілген алгоритмге сәйкес қатысушылар "Ashyq" жобасынан келесі жағдайларда шығарылады:
- нысан келушілерді 3 күннен артық check-in өткізбейді;
- мониторинг тобы объектіде жобаға қатысуға қойылатын талаптарды бұзудың расталған фактілерін анықтады (жоба туралы инфоплакаттардың, кіреберістерде QR – кодтардың болмауы, объектіні белгіленген нормаларға сәйкес рұқсат етілгеннен жоғары жүктеу, әлеуметтік қашықтықты, Маска режимін сақтамау, белгіленбеген уақытта жұмыс істеу).
Мониторингтік топтың нәтижелері бойынша қолданыстағы жұмыс алгоритмін бұзған қатысушы жобаға екі аптадан ерте орала алмайды.
Мониторингтік топтың нәтижелері бойынша жұмыс алгоритмін қайталап бұзған қатысушы жобаға екі айдан ерте орала алмайды.
"Ashyq" жобасы іскерлік белсенділікті арттыру мен эпиджағдайды тұрақтандыру арасындағы теңгерімді орнатуға бағытталған.
Алайда, "Ashyq" жобасының талаптарын орындамайтын бизнес нысандары одан шығарылады.