Өңірлік кәсіпкерлер палатасының өкілдері Батыс Қазақстан облысының кәсіпкерлік және индустриялық – инновациялық даму басқармасы қызметкерлерінің көмегімен пилоттық жобаның қатысушысы болған бизнес субъектілерінің аумағында "Ashyq" қосымшасын тестілік енгізуді тексеру жүргізуде.

Мамандар жүйенің тұрақты жұмыс істеуіне және келушілердің мәртебені тексеру сервисін пайдалануына мониторинг жүргізеді.

Айта кету керек, бұған дейін Қазақстан Республикасының цифрлық даму, инновациялар және аэроғарыш өнеркәсібі министрлігі Қазақстан Республикасының Денсаулық сақтау министрлігімен бірлесіп "Ashyq"қосымшасын әзірлеген болатын. Бұл жобаның мақсаты елдегі эпидемиологиялық жағдай бойынша деректерді бақылау және талдау болып табылады.