Қазақстан Республикасы Сауда және интеграция министрлігінің бастамасымен «Береке Fest» атты ауқымды республикалық акция іске қосылды.

Аталған акция әлеуметтік маңызы бар азық-түлік тауарларының бағасын тұрақтандыруға, қазақстандық өндірушілерді қолдауға, қоғамда жағымды көңіл-күй қалыптастыруға және отандық өнімді тұтынуды ынталандыруға бағытталған.

Акцияның мақсаттары:

• Тауар бағасын уақытша төмендету арқылы халыққа түсетін қаржылық жүктемені азайту;

• Өнімнің қолжетімділігін арттыру арқылы тұтыну көлемінің өсуіне ықпал ету.

Өткізу форматы:

• Сауда желілерінде азық-түлік және азық-түлік емес тауарлар төмендетілген бағамен сатылады;

• Сауда орындарының витриналары мен жарнамалық материалдары «Береке Fest» бірыңғай стилінде безендіріледі.

Акцияның өткізу мерзімі:

• Ағымдағы жылдың 23–31 желтоқсан аралығы.

Кампанияның негізгі месседждері:

• «Берекелі елдің сөресі толы!»

• «Әр үйге береке тілейміз!»

• «Береке Fest – дастарханың толы болсын!»