2021 жылғы 7 желтоқсанда Нұр-сұлтан қаласында ҚР Президентінің қатысуымен "Алтын сапа" Президент сыйлығын алуға арналған конкурсқа және бизнестің әлеуметтік жауапкершілігі жөніндегі "Парыз" конкурсына қатысушыларды марапаттау рәсімі өтті.
Сапа саласындағы жетістіктері үшін Қазақстан Республикасы Президентінің "Алтын сапа" сыйлығын табыстау жылдың басты оқиғасы болып табылады.
Қазақстан Республикасы Президентінің сыйлығы жыл сайын конкурстық негізде ұйымның өнім және/немесе қызмет сапасы, олардың қауіпсіздігін қамтамасыз ету саласында елеулі нәтижелерге қол жеткізгені, сондай-ақ ұйымның сапаны басқарудың тиімділігі жоғары әдістерін енгізгені үшін беріледі.
Айта кету керек, биыл Батыс Қазақстан облысынан байқауға қатысқан 5 қатысушының 2-і Президенттің "Алтын сапа" сыйлығына ие болды. Бұл "Кублей" ЖШС және "БатысМунайГазЖабдлыктары" ЖШС сияқты кәсіпорындар.
"Кублей" ЖШС "Халыққа арналған үздік тауарлар" номинациясы бойынша сыйлыққа ие болды. Бүгінгі таңда компания консерві өнімдерінің 100-ден астам түрін шығарады. Өз өнімдерін өндіру кезінде кәсіпорын тек 100% табиғи, құрамында тағамдық қоспалар мен ГМО жоқ сапалы шикізатты пайдаланады.
"БатысМунайГазЖабдлыктары" ЖШС "Өндірістік мақсаттағы үздік тауарлар" номинациясы бойынша сыйлыққа ие болды.
Зауыттың соңғы техникалық әзірлемелерін назарға ала отырып, "БатысМунайГазЖабдыктары" ЖШС Газ және мұнай жабдықтарын ірі-тораптық құрастыруды, Siemens бағдарламаланатын контроллерлер базасында ТП АБЖ технологиялық процесін басқарудың автоматтандырылған жүйелерінің бағдарламалық кешенін әзірлеуді, сондай-ақ оларды құрастыруды орындайды. Шығарылатын өнімнің негізгі артықшылықтары: әлемдік стандарттар мен нормаларға сәйкес келетін шығарылатын тауарлардың жоғары сапасы.
Бұдан басқа, "Орал сауда-өнеркәсіп компаниясы" ЖШС "Іскерлік кемелдік" жоғары наградасына ие болды, өйткені компания өндірісті жетілдіру, жаңа технологияларды енгізу және соның салдарынан сапа мен бәсекеге қабілеттілікті арттыру бойынша нақты нәтижелерге ие болды. Полиэтиленнен жасалған арынды құбырларды өндірудің технологиялық процесін орындау үшін кәсіпорында диаметрі 20-дан 1600 мм-ге дейінгі KraussMaffeiBerstoff (Германия) фирмасының алты экструзиялық желісі бар.
Бүгінгі күні компания Қазақстан нарығында өз өнімін сенімді және сапалы өндіруші ретінде өзін көрсете білді.
Байқаудың қорытындысы өңірдің кәсіпкерлеріне тиесілі Облыстың зор әлеуетінің көрнекі расталуы болып табылады.
