Экспортты, оның ішінде шикізаттық емес тауарларды ілгерілетуге жәрдемдесу мақсатында "KazakhExport" ЭСК" АҚ делегациясы 2021 жылғы 26-27 қазанда Батыс Қазақстан облысына келді.

Сапар аясында ағымдағы жылдың 26 қазанында Орал қаласында "KazakhExport" ЭСК" АҚ және өңірдің өнеркәсіптік кәсіпорындары өкілдерінің қатысуымен экспортты ілерілету және тәуекелдерді сақтандыру мәселелері бойынша кеңес өтті.

Кеңес жұмысына "KazakhExport" ЭСК" АҚ Басқарма төрағасының орынбасары К.Мұқажанов, өңірлік менеджер А. Бекбасова және облыстың экспорттаушы кәсіпорындары қатысты.

"KazakhExport" ЭСК" АҚ экспортты қолдаудың сақтандыру қаржылық шараларын ұсыну есебінен сыртқы нарықтарда қазақстандық тауар өндірушілер мен қызметтерді жеткізушілер үшін қолдау тетігімен таныстырды.

"KazakhExport" ЭСК" АҚ өкілдері "Стеклосервис" ЖШС, "Белес-Агро" ЖШС, "Квант" ЖШС, "Орал сауда-өнеркәсіптік компаниясы" ЖШС, "Азот зауыты" ЖШС, "Орал жылыжай комбинаты" ЖШС", "Орал трансформатор зауыты" ЖШС, "Желаев нан өнімдері комбинаты" АҚ, "Оралагрореммаш" АҚ, "КазТрубПром" ТМК" ЖШС, "Батыс Қазақстан машина жасау компаниясы" АҚ, "World Green Company" ЖШС-не барып, қызметтерімен танысты.